Programa

 

 Documento PDF icono_pdf

 

“Desafíos do Protocolo na sociedade do século XXI”

 

Mércores, 24 de maio de 2017

19.00 h. Recepción no Museo do Mar de Galicia a cargo de “Galicia Calidade”

 

Xoves, 25 de maio de 2017

09.30 h. Recepción de asistentes e entrega de documentación

10.00 h. Inauguración oficial a cargo do Reitor Mgfco. da Universidade de Vigo

10.30 h. “Vixencia do protocolo”. Félix Losada Vieira

11.30 h. Pausa para café

12.00 h. “O protocolo universitario portugués: Coimbra, paradigma e referente”. Fernando Ramos e Artur Filipe dos Santos

13.00 h. “O protocolo como técnica para o desenvolvemento de prestixio institucional”. Ciprián Rivas Fernández

13.45 h. Xantar (catering)

15.15 h. “Organización de un acto singular en la Universidad: presentación del buque oceanográfico UCadiz”. Salustiano Martínez Fierro. Universidad de Cádiz.

15.45 h. “Pertigueros, mazas y maceros”. Estanislao de Luis Calabuig y Alba Nasarre Vicente. Universidad de León y Universidad de Barcelona.

16.30 h. Asemblea da Asociación para o Estudio e a Investigación do Protocolo Universitario

17.30 h Visita guiada

21.00 h. Cea inaugural

 

Venres, 26 de maio de 2017

09.30 h. “O Protocolo militar: Entrega de Reais Despachos na Escola Naval Militar”. Juan Luis Sierra Domínguez

10.30 h. “O caso das Exequias de Estado do Presidente Mario Soares”. Manuel Pinto Teixeira.

11.30 h. Pausa para café

12.00 h. “A esencia non verbal do protocolo”. Teresa Baró.

13.00 h. “A interligação do protocolo Universitário com o protocolo de Estado: o caso do Doutoramento Honoris Causa de Sua Excelência a Presidente da República do Chile, na Universidade de Évora”. Cristina Brázio e Carlos Espiga. Universidade de Évora.

13.30 h. Xantar (catering)

15.00 h. “As galas de cine: glamour, espectáculo e promoción”. Anna Amorós.

16.00 h. Taller

17.00 h. Clausura

20.00 h. Cea de clausura

 

Sábado, 27 de maio de 2017

10.00h. Actividades culturales: Visita ás "Illas Cíes"

18.00h. Despedida

 

Félix Losada

felix-losada

 

Está especializado en xestión de relacións, actividade na que é un dos maiores expertos e que desenvolveu xunto á comunicación, a concepción e desenvolvemento de estratexias corporativas, a xestión do cambio e, en moitas ocasiones, de crise. Autor do libro Protocolo Intelixente (Grijalbo 2008), a súa profundidade técnica e gran riqueza multidisciplinar é o resultado do seu paso polo grupo Estratexias de Empresa, Arthur Young, Expo Sevilla’92, Fundación de Ayuda contra la Drogadicción, Grupo PRISA, o Ministerio de Defensa e Arthur Andersen, onde se incorpora en xullo de 2000 como Director de Marketing e Relacións Institucionais, labor que sigue desempeñando na actualidade en Deloitte, líder de servizos profesionais multidisciplinares en España.

Félix Losada é tamén copromotor da iniciativa Madrid, Arte, Cultura e Vida, un think tank e xestor de colaboración para o desenvolvemento do valor de Madrid mediante as artes, a cultura e a forma de vida aberta que fai de Madrid unha cidade excelente para vivir, traballar e visitar. Presidente de AED Global, Iniciativa internacional da Asociación Española de Directivos. Presidente de VIA Círculo Jefferson, Asociación de Alumni do International Visitor Leadership Program (Programa de Liderado de Visitantes Internacionais), principal programa de intercambio profesional do Departamento de Estado do Goberno dos Estados Unidos de América. Patrón da Fundación Euroamérica e membro da Comisión Delegada do seu Padroado.

 

 

Fernando Ramos

fernando-ramos

Doutor en Dereito e en Ciencias da Información. Profesor titular da Universidade de Vigo. Departamento de Psicoloxía Evolutiva e Comunicación. Director das Xornadas de Comunicación Institucional e Imaxe Pública e dos Cursos Complementarios de Comunicación e Protocolo da Universidade de Vigo, que levan 17 edicións. Membro do Consello Directivo da Organización Internacional de Cerimonial e Protocolo (OICP), autor do Código Deontolóxico de Protocolo, de esta organización, aprobado no Campidoglio de Roma en 2007. Relator entre outros, nos Congresos Internacionais de Protocolo de Roma, Budapest, Bos Aires e Asunción (Paraguay). Publicou 25 libros sobre Dereito da Comunicación, Imaxe Corporativa e Protocolo, tanto en España como en Arxentina e Portugal.

 

Artur Filipe Dos Santos

artur-filipe

Profesor de Comunicación e Patrimonio Cultural, consultor da UNESCO para o Patrimonio Mundial, membro do grupo de Investigación en Comunicación de Universidade de Vigo (Icom-x1), membro do grupo de investigación en Comunicación e Turismo da Universidade de Westminster, Reino Unido, Sociedade de Estudos Institucionais UNED-Madrid; profesor invitado en varias institucións universitarias e de formación: Escola superior Jean Piaget de Vila Nova de Gaia, Escola Superior de Educação de Coimbra, Escola de Jornalismo do Porto, Centro de Estudos Politécnicos de Torres Novas, Universidade Federal de Pernambuco. Membro da APEP – Associação Portuguesa de Estudos de Protocolo.

 

 

Ciprián Rivas Fernández

ciprian-rivas

 

Titulado en Relacións Públicas pola Universitat Central de Barcelona. Graduado en Marketing e Lobbying pola University of London and the Royal Institute of Public Administration (RIPA).
Director Xeral de Marketing da Feira Internacional Semana Verde de Galicia en Silleda

Crea o Departamento de Relacións Públicas e Protocolo do Gabinete do presidente da Xunta de Galicia onde traballou como xefe de Protocolo e Relacións Públicas con tres presidentes.
Exerce como asesor de comunicación e de Responsabilidade Social Corporativa de dos conselleiros de presidencia do goberno autonómico galego.

Editor, director e xornalista en diferentes xornais galegos e españois.
Socio fundador de CEO Avanza, consultora de relacións públicas, marketing e comunicación.
Vicepresidente Executivo da Fundación Euroespes.

 

Entre as actividades públicas que organizou e dirixiu, destacan:

 - Bilderberg Group Conference na Toxa (1989).

 - Alianza Universal de Emprendedores Galegos do Mundo, un lobbying de empresas galegas afincadas en todo o mundo que nace en Barcelona.

 - Presentación Internacional do Xacobeo(1992).

 - Regreso dos restos de Castelao a Galicia.

 - Visita da SS o Papa Xoan Paulo II a Santiago de Compostela.

 - Coordinador das visitas á Comunidade Autónoma de El Rei Juan Carlos I así como do seu fillo e actual Rei, Felipe VI.

 - Membro do equipo de traballo das visitas a Santiago de Compostela dos presidentes Francois Miterrand (Francia), Wilfried Martens (Bélxica), Miguel de la Madrid (México), Julio María Sanguinetti, (Uruguay), Luis A. La Calle (Uruguay).

 - Organizador e coordinador das visitas oficiais dos presidentes autonómicos galegos a Arxentina, Uruguay, Venezuela, México, Panamá, Chile, Brasil, Bélxica, Francia, Alemaña, Italia, Suíza, USA, New York, e o Vaticano diante do Papa Xoan Paulo II.

 - Organizador da visita oficial do Presidente da Xunta de Galicia, Manuel Fraga Iribarne, a Cuba, primeiro presidente dunha comunidade autónoma española en visitar a illa.

 - Coordinador da visita de Fidel Castro a Galicia.

 - Deseña os actos de entrega da Medalla de Ouro de Galicia e das Medallas Castelao da Xunta de Galicia.

Desde 2010, traballa na Universidade de Vigo como director do Gabinete do Reitor

 

 

Juan Luis Sierra Domínguez

jl-sierra

Actualmente:

 - Xefe de Protocolo e Relacións Públicas da Armada Española
 - Autor do Blog “Fair Winds & Following Seas”
 - Cofundador de Proxecto Napoleón

 Experiencia:

 - 25 años de experiencia en postos de dirección nas áreas da comunicación (protocolo, relacións públicas e gabinetes de prensa), seguridade e loxística.

 - Profesor titular do Protocolo Oficial e Militar do Máster e Grao en Protocolo e Organización de Eventos da Escola Internacional de Protocolo e Universidade Europea e profesor de Xenealoxía e Heráldica no Máster de Dirección de Comunicación Corporativa na EAE Business School.

 - Impartiu e imparte clases e seminarios sobre protocolo e etiqueta oficial e empresarial, organización de eventos, xestión da imaxe persoal, marca persoal, negociación e xestión da comunicación en situacións de crise no Instituto Superior de Investigación Empresarial ISIE, a Escola Naval Militar, Universidade Carlos III, Universidade Francisco de Vitoria, Universidade San Pablo CEU e Escola de Negocios Aliter.

 - Foi consultor e formador nas materias anteriormente citadas para a consultora Alandete e Asociados.

Formación:

 - Licenciado en Ciencias Políticas e Socioloxía pola Universidade Complutense de Madrid. Especialidade de Estudios Internacionais e Ciencia da Administración.

 - Máster en Dirección de Comunicación Corporativa por la Washington International University.

 - Diplomado en Comunicación Social pola Universidade Francisco de Vitoria.

 - Diplomado en Protocolo pola Garda Real.

 - Técnico en Xestión Empresarial por Técnicas de Formación Empresarial.

 - Formación de Oficiais da Armada,, Escola Naval Militar e Escola de Aplicación de Infantería de Mariña.

Outros:

Idiomas: Español e Inglés

Distincións: En posesión de catro cruces do Mérito Naval distintivo Branco, da Medalla da OTAN con pasador Former Iugoslavia e do Distintivo de Operacións de Mantemento da Paz de Nacións Unidas con pasador SFOR (Stabilization Force) por participación en Misión Internacional de Mantemento da Paz en Bosnia-Herzegovina.

 

Manuel Pinto Teixeira

manuel-pinto

 

Manuel Pinto Teixeira naceu no norte de Portugal, no Municipio de Cinfães, en 1952. Pronto manifestou unha tendencia natural para a comunicación, escollendo o xornalismo como profesión. Cando aínda era estudante universitario, se profesionalizou, en 1974, no xornal “O Comércio do Porto”, como xornalista durante 20 anos, o xornal máis antigo do continente portugués, do que sería director e administrador durante máis dunha década.

En 1977 concluíu o Curso Superior de Ciencias Humanas no ISCHT de Oporto (integrado na Universidade Católica Portuguesa). Nese mesmo ano iniciou o curso de Dereito na Universidade de Coimbra, onde regresaría en 1994 para posgraduarse en Dereito da Comunicación. En 2001 obtivo a suficiencia investigadora na UPSA, en Salamanca, para o Doutoramento en Ciencias da Información. En 2004 obtivo o doutoramento en Comunicación, Publicidade e Relacións Públicas na Universidade de Vigo.

Como xornalista desempeñou os máis altos e variados cargos, e foi administrador executivo do Grupo Lusomundo Media, Lusomundo Filmes e Warner Lusomundo, para a área dos medios de comunicación, prensa e radio, e cine, desde 1988 ata 2004.

É investigador do CEPESE – Centro de Investigación da Universidade do Porto, autor de diversas obras, e publicou decenas de traballos na área da comunicación social, corporativa e institucional, especificamente de Dereito da Comunicación, Ética e Deontoloxía, Marketing, e Relacións Públicas e Protocolo. É coordinador de tres proxectos de investigación científica financiados pola FCT/ME e UE, e dous non financiados.

Integrou múltiplos tribunais académicos en teses de mestrado e doutoramento en diversas universidades portuguesas e estranxeiras, e orientou múltiplos traballos de investigación. Profesor honorífico do ESERP en Barcelona, membro de honra do Consello Europeo de Doutores e Doutores Honoris Causa, e membro de Honra do Grupo de Investigación GIESP.

Desde 1990 exerce a ensinanza universitaria na UNISLA/Universidade Lusófona, como Director da Escola Superior de Gestão, é profesor nas licenciaturas de ciencias da comunicación, protocolo, multimedia, turismo, xestión de empresas e recursos humanos. É director do curso de Comunicación e Técnicas Dixital, Director do OESE – Observatório de Estudos Sociais e Económicos, membro dos Consellos Científico e Pedagóxico da Universidade.

Durante 10 anos (2004/14) exerceu, en réxime de requisición estatal, as funcións de Xefe de Gabinete do Alcalde do Concello de Oporto.

 

 

Teresa Baró

teresa-baró

 

Fundadora da consultora Aulaicompani (2001) e Consultora en comunicación persoal; Licenciada en Filoloxía Catalá (UB),Técnica Superior en Publicidade e Máster en Protocolo e Relacións Públicas

Realiza unha variada tarefa docente en diversas universidades e realiza conferencias en España e Latinoamérica.

Deseña programas de habilidades de comunicación persoal para colectivos específicos, profesionais e executivos de alto nivel e políticos. Forma e adestra nas habilidades necesarias para o desempeño na empresa: liderado, comunicación en público, persuasión, intelixencia non verbal, comunicación cos medios, etc.

Colaboradora habitual en medios de comunicación como experta en temas de comunicación.

 

 

Anna Amorós

anna-amoros

 

Desde 1998, Profesora Titular de Comunicación Audiovisual e Publicidade, especialidade Cine, na Universidade de Vigo.

Titulación Universitaria:

 - Licenciada (1987) e Doutora (1994) en Ciencias da Comunicación (Universidade Autónoma de Barcelona, UAB)

Profesora:

 - Prestixioso Centro Universitario EINA-Deseño e Arte (Barcelona-UAB)
 - Universidade Autónoma de Barcelona (UAB)
 - Universidade de Santiago de Compostela (USC)

 

Sector profesional do audiovisual:

 - Guionista e Directora de Documentais.
 - Xefa do Gabinete de Comunicación “Col.legi de Directors de Cinema de Catalunya” (Barcelona)
 - Directora dos “Obradoiros de Cine” (Asociación Galega de Guionistas)
 - Co-coordinadora de AUGAL-Audiovisual Galego (Consorcio Audiovisual de Galicia/ AGADIC, Xunta de Galicia).

Mencións:

 - Xornalista de Honra 2010. Outorga: Asociación de la Prensa de Vigo (membro da Federación de Asociacións da Prensa de España)
 - Premio Buenas Prácticas de Comunicación No Sexista 2012, Feminario de Investigación UAB. Outorga: Associació de Dones Periodistes de Catalunya.

Membro de Comisións Asesoras de audiovisual:

 - Membro da Comisión Asesora “Libro Branco do Sector Audiovisual Galego” (Xunta de Galicia, 2005)
 - Membro da Comisión Avaliadora de Axudas e Subvencións á produción Audiovisual Galega (Xunta de Galicia, 1999-2005).

 

 

Reitoría | Campus Universitario | C.P. 36.310 Vigo (Pontevedra) | España | Tlf: +34 986 812 000 | informacion@uvigo.es            Accesibilidade | Mapa web | Aviso Legal