Unha noticia do DUVI co novo deseño

O DUVI, o Diario da Universidade de Vigo, o medio de comunicación que desde o ano 2001 informa a nosa comunidade universitaria, tamén está sendo redeseñado. A aparencia é similar á do portal institucional mais terá algunhas características e utilidades específicas.

Hoxe amosamos o avance de deseño da aparencia dunha nova, tanto nun computador de escritorio como na pantalla dun móbil. Na versión de ordenador fanse máis evidentes as posibilidades específicas das páxinas do DUVI, onde a maiores da información, conta cun buscador facetado –que só fai procuras no ámbito específico do diario– que permite recuperar novas por diversos criterios: cadea de texto, data, temática, campus ao que afecta ou onde se xera a información e un sistema de etiquetas.

 

Fai clic en calquera das imaxes para ver unha simulación da noticia do DUVI no navegador dun computador ou nun móbil Android.

 

 

 

Que che parece?

Comentarios: 2 comentarios

  1. Parabéns pola iniciativa e polos pasos que se van dando.
    Falando do DUVI, creo que sería importante establecer pautas de redacción de titulares para evitar atoparnos en redes sociais textos como “Os investigadores do campus xa contan con…”. Se ben na web non hai problema porque as novas están divididas por campus, en redes como Twitter non se pode saber a que campus se refiren sen acceder a elas. Unha pequena mostra aquí: https://goo.gl/rb6SYb.
    Creo que tamén sería positivo que as novas publicadas en Twitter contasen cunha imaxe. Todos os informes que existen ao respecto apuntan a que esta práctica mellora o engagement.
    Saúdos

  2. Moitas grazas polas cuestións que achegas. Pensamos que son atinadas e factibles respectando unha metodoloxía ben doada.

    Ordenaremos as propostas que fas e poñerémonos en contacto coas redactoras do DUVI e coas persoas que levan as redes corporativas da Universidade para que o traballo se faga na liña que comentas.

    Grazas.

Deixa un comentario